ഇന്നലെ ടി വി കണ്ടുകൊണ്ടിരിക്കുമ്പോള് അമേരിക്കന് പ്രസിടണ്ട് ഒബാമയും, ഭാര്യ മിഷേല് ഒബാമയും കുട്ടികളുമായി നൃത്തം ചവിട്ടുന്നു. കൂട്ടത്തില് അവതാരകന്റെ വര്ണ്ണനയും. പ്രസിടണ്ട് ആയാല് ഇങ്ങിനെ വേണം. രണ്ട് മൂന്നു ദിവസമായി പത്ര താളുകളില് ഒബാമ നിറഞ്ഞു നില്ക്കുകയായിരുന്നു. "ഒബാമ ഇന്ത്യ സന്ദര്ശിക്കുന്നു". " ബോംബയില് കനത്ത സുരക്ഷ ". " ഒബാമയുടെ കിടിലന് കാടിലാക്ക് കാറ്". പോരാത്തതിന് നമ്മുടെ പ്രധാനമന്ത്രി ശ്രീ. മന്മോഹന് സിംഗ് പ്രോട്ടോകോള് തെറ്റിച്ചാണ് എയര്പോര്ട്ടില് ഒബാമയെ വരവേറ്റത് പോലും. ഇതിലേറെ ഒബാമയ്ക്ക് എന്ത് സ്വീകരണം വേണം ?
കാര്യം ഒബാമ വന്ന് ചായയും കുടിച്ച് കുറച്ചു പേപ്പറുകളില് ഒപ്പും വെച്ച് തിരിച്ചു പോകും. പിറ്റേന്ന് പത്രത്തില് ഒബാമയും പ്രധാന മന്ത്രിയും ആ കരാറില് ഒപ്പിട്ടു, ഈ ഉടമ്പടിയില് ഒപ്പിട്ടു എന്ന് വെണ്ടയ്ക്ക അക്ഷരത്തില് വരും. ഇതായിരുന്നു സാധാരണ പോലെ ഞാനും കരുതിയത്. ഇങ്ങിനെ തന്നെയാണല്ലോ ലോക നേതാക്കള് വന്നും പോയും കൊണ്ടിരിക്കുന്നത് . പക്ഷെ ഇത്ര മാത്രം ഒബാമ ചെയ്തു കൂട്ടുമെന്ന് ഈ ഉള്ളവന് സ്വപ്നത്തില് പോലും കരുതിയില്ല. മിക്കവാറും അടുത്ത അമേരിക്കന് പ്രസിടണ്ട് സ്ഥാനാര്ഥിയാവാന് പോകുന്നവന് ഇപ്പോഴേ ഡാന്സ് പഠനം തുടങ്ങിക്കാണും.
ഇനി ഏതൊക്കെ പ്രസിടണ്ട്മാര് ഡാന്സ് കളിക്കും? കണ്ടറിയുക തന്നെ വേണം. രാവിലെ ടാക്സിയില് കയറിയപ്പോള് മലയാളി ഡ്രൈവറും ത്രില്ലിലാണ് കാരണം മറ്റൊന്നുമല്ല ഒബാമയും ഭാര്യയും ഡാന്സ് കളിച്ചു. അതും കൊച്ചു കുട്ടികള്ക്കൊപ്പം. നമ്മുടെ രാഷ്ട്ര പിതാവിന്റെ മഹത്വവും കൂട്ടത്തില് അദ്ദേഹം വിളിച്ചു പറഞ്ഞു പോലും. ഡ്രൈവര് ആവേശത്തിലാണ് കൂടെ ഒബാമ നല്ലവനാണെന്നുള്ള മൊഴിയും. ഇനി നമ്മുടെ രാഷ്ട്രീയക്കാര് ഒബാമയെ കോപ്പി ചെയ്യുമോ എന്തോ ?
പാവം ബുഷ്, ഈ ബുദ്ധി എന്തെ അദ്ദേഹത്തിന് തോന്നാഞ്ഞത് എന്നായിരുന്നു എന്റെ സംശയം. ഒന്നുമില്ലെങ്കില് ഇന്ത്യയില് വന്ന് ഡാന്സ് കളിച്ചിരുന്നെങ്കില് ഒട്ടു മിക്ക പാപങ്ങളും അല്പ്പനേരത്തെക്കെങ്കിലും ഞങ്ങളെ പോലുള്ളവര് മറന്നേനെ. പരിതപിക്കുകയല്ലാതെ മറ്റെന്തു മാര്ഗ്ഗം?. വേണമെങ്കില് ഇറാഖിലും, അഫ്ഘാനിസ്ഥാനിലും ഇപ്പോള് തന്നെ ഒരു ഡാന്സ് പരിപാടി ഏര്പ്പാട് ചെയ്യുകയുമാവാം.
പക്ഷെ, ഡാന്സ് ചെയ്യുമ്പോള് സല്മ്മാന്ഖാനെ അനുകരിക്കാതിരുന്നാല് നന്ന്.
ഞാനും കണ്ടൂ ടിവിൽ
ReplyDeleteഅതെയതെ നല്ല തമാശ തന്നെ. എന്റെ അഭിപ്രായം ദേഇവിടെയുണ്ട്
ReplyDeleteMuneer your thoughts are valid.....a leader should live in the hearts of public. But still Obama can't come out of his countries policy...a well said word "limitations'...which we all possess in our daily life.........
ReplyDelete